Saturday 8 September 2012

ဘုရားရှင်တို့ မည်သည်....














ဘုရားရှင်တို့မည်သည်'"ငါ့တန်ခိုးဖြင့် သင့်ဆိုးကျိုးကို ငရဲဘုံသို့တိုးမိအောင်
ပစ်ချနိုင်စွမ်းရှိသည်"ဟူသော လူပြိန်းကြောက်တရားမျိုး ကိုဘယ်သောအခါ
မှ မဟောခဲ့ချေ။
ဒီသဘောတရားကို ဂါမဏိမည်သော ရွာသူကြီးနဲ့ ဘုရားရှင်တို့ အမေးအဖြေ
အားဖြင့် ဥဒါဟရုဏ်ဆောင်ထားပါတယ်။ ဂါမဏိကဘုရားရှင်ကို ဒီလိုမေးခဲ့ပါ
တယ်။
အခြား ဘုရားအမည်ခံတွေက....
၁။ ငရဲရောက်နေသူကို လူ့ဘ၀၊ နတ်ဘ၀ တင်ပို့နိုင်စွမ်းရှိသည်။
၂။ သေသူကိုလည်း အသက်ပြန်ရှင်လာအောင် ဖန်ဆင်းပေးနိုင်သည်ဆို၏။
ဘုရားရှင်ကော သည်လိုစွမ်းနိုင်ပါသလား။
ဘုရားရှင်အဖြေကား အလွန်းလေးလံတဲ့ ကျောက်ဖျာကြီးကို ရေထဲပစ်ချ၊
ကမ်းနဖူးမှနေ၍ ”အို...ကျောက်ဖျာကြီး ရေပေါ်တက်လော့“ဟု အမိန့်ပေး
တိုင်း ပြန်မတက်နိုင်သလိုပဲ သူ့စေတနာ ၊ သူ့အကုသိုလ်ကံကြောင့် ကြီးလေး
တဲ့ ပြစ်မှုကြီးများ လွန်ကျူးထားသူကို ငရဲကျရာမှ နတ်ပြည်၊ လူ့ပြည်ထက်
သာအောင် ဘယ်သူ၊ ဘယ်နတ်၊ ဘယ်ဗြဟ္မာ မှမတက်နိုင်။
အဲဒီလိုပဲ ထောပတ်အိုးကြီး ရေထဲပစ်ချ၊ အိုးကြီးရေအောက်ရောက်သွား
သော်လည်း ထောပတ်ဆီတို့ကား ရေပြင်ပေါ် ဝေ့တက်လာတဲ့အခါ
ထောပတ်ဆီတွေ ရေထဲငုပ်စေလို့ ဘယ်သူအမိန့်ပေးပေး ထောပတ်ဆီ ရေ
မှာမမြုပ်သကဲ့သို့ သူ့စေတနာ၊ သူ့အကုသိုလ် ကံအရ လူ့ဘ၀၊ နတ်ဘ၀
ရနေသူများကိုလည်းပဲ ငရဲ၊ တိရစ္ဆာန် စတဲ့ အောက်နိမ့် ဘ၀ ရောက်သွား
အောင် ဘယ်သူ၊ ဘယ်နတ်၊ ဘယ်ဗြဟ္မာမှ မတားဆီးနိုင်ဘူးလို့ ဟောပြ
သွန်သင်ပါတယ်။
ဒါကြောင့်( ကျေးဇူးရှင် မဟာဗောဓိမြိုင်ဆရာတော်) ဘုရားကြီးက....
၁။ ဘ၀ဆိုး မကျရောက်မိရန်၊ မိမိ၏ စေတနာဆိုးဖြင့် တစ်ဖက်၏ အကျိုး
ထိခိုက်ပျက်ပြားစေမှု မပြုကျင့်မိရန် မိမိစိတ် မိမိထိန်းသိမ်းခြင်းဖြင့်
မိမိကိုယ်မိမိ ကယ်တင်ခြင်းသည် လည်းကောင်း၊
၂။ ဘ၀ကောင်း လက်ရမိရန်၊ မိမိရှိ စေတနာကောင်းဖြင့် တစ်ဖက်၏ကောင်း
ကျိုး သယ်ပိုးပေးတတ်ရန် မိမိစိတ် မိမိနှိုးဆော်ခြင်းဖြင့် မိမိကိုယ်မိမိကယ်
တင်ခြင်းသည် လည်းကောင်း ၊ကိုယ်ကိုယ်တိုင်သာ တတ်စွမ်းနိုင်ချေရာ
မိမိသည်သာ မိမိ၏ ကယ်တင်ရှင်ဖြစ်ကြောင်း ကောင်းကောင်းကြီး
သဘောပေါက်ပါလေ၊။
ထို့ကြောင့်.....
သူ့တစ်ကိုယ်ကောင်းမဖျက်ဆီးမိရန် သီလဖြင့် ထိန်းသိမ်းပါ။
သူ့တစ်ကိုယ်ကောင်းအားပေးရန် ဒါနဖြင့် တည်ဆောက်ပါ။
မိမိစိတ် သန့်ပြန့်စင်ကြယ်ရန် သရဏဂုံဖြင့်ဆေးကြောပေးပါ။
ဟု ဆုံးမလမ်းညွှန်တော်မှုထားပါသည်။

ကျေးဇူးရှင် မဟာဗောဓိမြိုင် ဆရာတော်ဘုရားကြီး

No comments:

Post a Comment