။။။။။ ၀မ္းစာ ။။။။။
။။ သူငယ္ခ်င္း...
မင္းစဥ္းစားၾကည့္
ဗ်ိဳင္း၏အစာ ၊ ငါးဆိုတာကို
ငါလည္းအသိ ၊ မင္းလည္းသိ၏
စိစစ္မွတ္သား ၊ ခြဲျခားေရြးနုတ္
စစ္တမ္းထုတ္ရန္
ယုတၳိေဗဒ ၊ အေျဖျပဖို.
လိုမွမလိုဘဲ ၊ သူငယ္ခ်င္း......။
။။ ဗ်ိဳင္းကငါးစား ၊ မတရားဟု
စကားအဆို ၊ သနားပိုကာ
ငါးကိုကယ္မလား ၊ မင္းစဥ္းစားေပါ့......။
။။ ဗ်ိဳင္းဘက္ကၾကည့္
သူ၏၀မ္းစာ ၊ မေနသာလို.
သူရွာစားတာ ၊ သနားတယ္ေလ...
ငါးဘက္ျပန္ေတြး
ေသေရး ရွင္ေရး ၊ အသက္ေဘးမို.
ထြက္ေျပးခ်င္မွာ အမွန္ပဲ.......။
။။ ဗ်ိဳင္း နွင့္ ငါး ၏
ပေဟဠိပုစာၦ ၊ အေျဖရွာတုန္း
၀ုန္းခနဲဆို ၊ အူ ကိုလႈပ္ယမ္း
ငါ၏၀မ္းစာ ၊ သတိရလာေတာ့
ဘာေတြ ညာေတြ ၊ ေတြးမေနအား
ေရမွာငါးဖမ္း ၊ ဗ်ိဳင္းေထာင္ဖမ္းျပီး
အိတ္ၾကီးထဲထည့္
ငါျပန္ခဲ့တယ္... သူငယ္ခ်င္း..........။
ပုေလာ စိုးန့ံသာ
No comments:
Post a Comment